Pangangalaga sa Sarili Pagkatapos ng Episiotomy

Pag-iwas sa impeksiyon

Pababain ang panganib ng impeksiyon sa pamamagitan ng pagpapanatiling malinis ng iyong tahi. Upang gawin ito:

• Marahang punasan mula unahan hanggang likod pagkatapos ng iyong pagdumi.

• Pagkatapos mapunasan, bugahan ng maligamgam na tubig ang tahi. Patuyuin.

• Pagkatapos umihi, OK lang na huwag itong punasan. Bugahan lang ng maligamgam na tubig at patuyuin.

• Huwag gumamit ng sabon o anumang likido bukod sa tubig maliban kung ipinayo iyon ng iyong tagapangalaga ng kalusugan.

• Magpalit ng iyong sanitary pad kada 2 hanggang 4 na oras man lang.

Pag-iwas sa pagtitibi

Sundin ang mga suhestiyong ito:

• Kumain ng sariwang mga prutas at gulay, buong binutil, at bran cereals.

• Uminom ng 6 hanggang 8 basong tubig araw-araw, maliban kung iba ang ibinilin.

• Huwag piliting dumumi.

• Tanungin ang iyong tagapangalaga ng kalusugan kung dapat kang gumamit ng pampalambot ng dumi.

• Kung ikaw ay nagpapasuso, tanungin ang tagapangalaga ng iyong kalusugan bago uminom ng anumang gamot.

Pagbawas ng kirot

Subukang gawing mas komportable ang sarili mo sa pamamagitan ng:

• Pag-upo sa maligamgam at mababaw na water bath (sitz bath).

• Paglalagay ng malalamig na pack o maiinit na pack sa iyong tahi. Maglagay ng manipis na tuwalya sa pagitan ng pack at ng iyong balat.

• Pag-upo sa matatag na upuan upang hindi gaano mabatak ang tahi.

• Gumamit ng may gamot na pang-ispray ayon sa iniutos ng tagapangalaga ng iyong kalusugan.

• Ang pakikipag-usap sa tagapangalaga ng iyong kalusugan tungkol sa paggamit ng gamot na kontra-pamamaga, gaya ng ibuprofen, upang maibsan ang pananakit.

Follow-up na pangangalaga

Mag-follow up appointment ayon sa itinagubilin.

Kailan dapat tumawag sa iyong tagapangalaga ng kalusugan

Tumawag kaagad sa iyong tagapangalaga ng kalusugan kung mayroon ka ng alinman sa mga ito:

• Pamumuo ng dugo na may sukat na sangkapat o higit pa na laging dumadaloy mula sa iyong puwerta

• Malakas o bumubulwak na pagdurugo mula sa iyong puwerta

• Mabahong likido mula sa iyong puwerta

• Matinding pananakit ng tiyan o matinding pananakit malapit sa iyong mga tahi

• Lagnat na 100.4°F (38°C) o higit pa, o tulad ng itinagubilin ng iyong tagapangalaga ng kalusugan

• Giniginaw na nangangaligkig

• Hindi pagdumi sa loob ng 1 linggo pagkatapos ipanganak ang iyong sanggol

• Hirap umihi

• Masakit na pag-ihi o lubhang naiihi

• Mga tahi na lumalabas o mga piraso ng tahi na lumalabas mula sa iyong puwerta